ഭരണചരിത്രം
കുറ്റിച്ചൽ പഞ്ചായത്ത്: രൂപീകരണവും ആദ്യ ഭരണസമിതികളും
1968 വരെ ഈ പ്രദേശം പൂവച്ചൽ പഞ്ചായത്തിന്റെ ഭാഗമായിരുന്നു.
മണ്ണൂർക്കര, കൊക്കുടി, പരുത്തിപ്പള്ളി, കോട്ടൂർ എന്നീ നാല് വാർഡുകൾ ചേർത്താണ് കുറ്റിച്ചൽ പഞ്ചായത്ത് രൂപവത്കരിച്ചത്.
1-7-1968-ലെ എം.എസ്. 343/68 ഡിഡി നമ്പർ ഗവൺമെന്റ് ഉത്തരവിൻ പ്രകാരമാണ് ഇത് രൂപവത്കരിച്ചത്.
8-8-1968-ൽ നിലവിലുണ്ടായിരുന്ന നാല് വാർഡുകളിലെ മെമ്പർമാരായ ആർ. ഗോപിനാഥൻ നായർ, കെ. വിശ്വംഭരൻ, കെ. കേശവപ്പണിക്കർ, കെ. കൃഷ്ണൻ നായർ എന്നിവരെ ഭരണനിർവ്വഹണത്തിന് നിയോഗിച്ചു.
ഈ കമ്മിറ്റിയുടെ പ്രസിഡന്റ് ആർ. ഗോപിനാഥൻ നായർ ആയിരുന്നു.
ആദ്യ ഭരണസമിതിയിലെ അംഗങ്ങൾ
ആർ. ഗോപിനാഥൻ നായർ (പ്രസിഡന്റ്) - വാർഡ്: കൊക്കുടി
കെ. വിശ്വംഭരൻ (മെമ്പർ) - വാർഡ്: മണ്ണൂർക്കര
കെ. കേശവപ്പണിക്കർ (മെമ്പർ) - വാർഡ്: പരുത്തിപ്പള്ളി
കെ. കൃഷ്ണൻ നായർ (മെമ്പർ) - വാർഡ്: കോട്ടൂർ
അഡ്മിനിസ്ട്രേറ്റീവ് കമ്മിറ്റി (1975)
കമ്മിറ്റിയുടെ പ്രവർത്തനം സുഗമമല്ലാതായി കണ്ടതുകൊണ്ട് പഞ്ചായത്തിൽ ഭരണസ്തംഭനം നേരിടുന്നതായി എക്സിക്യൂട്ടീവ് ഓഫീസർ ഗവൺമെന്റ് റിപ്പോർട്ട് നൽകി.
ഇതിന്റെ അടിസ്ഥാനത്തിൽ 30-7-1975-ലെ ജി.ഓ എം.എസ് നമ്പർ 105/75/എൽ.എ ഡി എസ് ഡബ്ല്യൂ ഡി നമ്പർ ഗവൺമെന്റ് ഉത്തരവനുസരിച്ച് 16-8-1975-ൽ നിലവിലുള്ള അംഗങ്ങൾക്ക് പുറമേ അഞ്ച് പേരെ കൂട്ടിച്ചേർത്ത് ഒൻപത് പേരുള്ള ഒരു അഡ്മിനിസ്ട്രേറ്റീവ് കമ്മിറ്റിയെ ഭരണം ഏൽപ്പിച്ചു. ഈ കമ്മിറ്റിയുടെ പ്രസിഡന്റ് ആർ. ഗോപിനാഥൻ നായർ തന്നെയായിരുന്നു.
മറ്റ് അംഗങ്ങൾ: എം. മുഹമ്മദ് ഇബ്രാഹിം, ഡോ. വേളി എ. ഇബ്രാഹിം സാഹിബ്, എ.എം. സാലി, ഈഡിത് ഹെലൻ ജോൺസൺ, പി. ലോറൻസ്, കെ. സലീം, കെ. കൃഷ്ണൻ നായർ, കെ. വിശ്വംഭരൻ എന്നിവരായിരുന്നു.
തുടർച്ചയായി ഹാജരാകാത്തതിന്റെ പേരിൽ കെ. വിശ്വംഭരനെ പിന്നീട് നീക്കം ചെയ്തു.
പ്രഥമ തെരഞ്ഞെടുപ്പും ഭരണസമിതിയും (1979)
പഞ്ചായത്തിന്റെ പ്രഥമ തെരഞ്ഞെടുപ്പ് നടന്നത് 15-9-1979-ലാണ്.
മത്സരിച്ച കക്ഷികൾ:
ഒരു ഭാഗത്ത്: സി.പി.ഐ. (എം), കോൺഗ്രസ് (എ).
മറുഭാഗത്ത്: സി.പി.ഐ, ജനതാദൾ, മുസ്ലിംലീഗ്, കോൺഗ്രസ് (ഐ).
തെരഞ്ഞെടുപ്പ് ഫലം: സി.പി.ഐ എം (3), കോൺഗ്രസ് (എ) (3), സ്വതന്ത്രർ (2) എന്നിങ്ങനെ വിജയം പങ്കിട്ടു.
പുതിയ കമ്മിറ്റിയുടെ പ്രസിഡന്റ്: കെ.പി. മുഹമ്മദ് (കോൺഗ്രസ് (എ)).
വൈസ് പ്രസിഡന്റ്: ജി. കൃഷ്ണനാശാരി (സി.പി.ഐ (എം))
പഞ്ചായത്ത് കമ്മിറ്റി പിരിച്ചുവിടൽ (1984)
അഞ്ച് വർഷത്തെ കാലാവധി കഴിഞ്ഞപ്പോൾ തെരഞ്ഞെടുപ്പ് നടത്താതെ സംസ്ഥാനത്താകെ പഞ്ചായത്ത് കമ്മിറ്റികൾ പിരിച്ചുവിട്ട കൂട്ടത്തിൽ കുറ്റിച്ചലും പെട്ടു.
ഇത് നടന്നത് 29-9-1984-ൽ ആയിരുന്നു.
രണ്ടാം തെരഞ്ഞെടുപ്പും ഭരണസമിതിയും (1988)
പിന്നീട് 1988 ജനുവരിയിൽ തെരഞ്ഞെടുപ്പ് നടന്നു.
മത്സരിച്ച മുന്നണികൾ:
ഐക്യജനാധിപത്യമുന്നണിയിൽ: കോൺഗ്രസ് (ഐ) ഒറ്റയ്ക്ക്.
ഇടതുപക്ഷമുന്നണിയിൽ: സി.പി.ഐ (എം), സി.പി.ഐ, ആർ.എസ്.പി.
തെരഞ്ഞെടുപ്പ് ഫലം: ഒൻപത് സീറ്റിൽ എട്ടും കോൺഗ്രസ് (ഐ)ക്കും ഒരു സീറ്റ് സി.പി.ഐക്കും കിട്ടി.
പുതിയ കമ്മിറ്റി 3-2-1988-ൽ അധികാരത്തിൽ വന്നു.
പ്രസിഡന്റ്: ശ്രീ. വേലപ്പൻ.
വൈസ് പ്രസിഡന്റ്: ശ്രീ. എ.എസ്. ഭദ്രകുമാർ.
ആറ് മാസം പിന്നിട്ടപ്പോൾ കോൺഗ്രസ് (ഐ)-യിലെ അഭിപ്രായവ്യത്യാസങ്ങളെ തുടർന്ന് കെ.പി. മുഹമ്മദും ശ്രീമതി. പുഡ്ഡാഭായിയും രാജിവെച്ച് സി.പി.ഐ (എം)-ൽ ചേർന്നു.
പ്രസിഡന്റുമായുള്ള അഭിപ്രായവ്യത്യാസങ്ങളുടെ പേരിൽ വി. ചന്ദ്രമോഹനൻ പഞ്ചായത്തുമെമ്പർ സ്ഥാനം രാജിവെച്ചു.
1992 ഒക്ടോബർ മാസം പ്രസിഡന്റ് വേലപ്പൻ ഗൾഫിൽ പോയതിനെത്തുടർന്ന് വൈസ് പ്രസിഡന്റ് എ.എസ്. ഭദ്രകുമാർ ആക്ടിങ്ങ് പ്രസിഡന്റായി ചുമതലയേറ്റു.
കമ്മിറ്റിയുടെ കാലാവധി 10-2-1994-ൽ അവസാനിച്ചു. പകരം തെരഞ്ഞെടുപ്പ് നടക്കാത്ത സാഹചര്യത്തിൽ നിലവിലുള്ള അംഗങ്ങളെ ഉൾപ്പെടുത്തി അഡ്മിനിസ്ട്രേറ്റീവ് കമ്മിറ്റിയായി നിയമിച്ചു.
ഭരണപരമായ പാളിച്ചകളെ തുടർന്ന് 1-10-1994-ലെ ജി.ഒ (എം.എസ്) 234/94 നമ്പർ സർക്കുലർ ഉത്തരവനുസരിച്ച് പഞ്ചായത്ത് കമ്മിറ്റിയെ സർക്കാർ പിരിച്ചുവിട്ടു.
പകരം നെടുമങ്ങാട് താലൂക്ക് പഞ്ചായത്ത് ഓഫീസറെ സ്പെഷ്യൽ ഓഫീസറായി നിയോഗിച്ചു.
മൂന്നാം തെരഞ്ഞെടുപ്പും ഭരണസമിതിയും (1995)
1995 സെപ്റ്റംബറിൽ വീണ്ടും തെരഞ്ഞെടുപ്പ് നടന്നു.
മത്സരിച്ച കക്ഷികൾ:
ഇടതുപക്ഷജനാധിപത്യമുന്നണി (എൽ.ഡി.എഫ്): സി.പി.ഐ (എം), സി.പി.ഐ, ആർ.എസ്.പി, ജനതാദൾ.
ഐക്യജനാധിപത്യമുന്നണി (യു.ഡി.എഫ്): കോൺഗ്രസ് (ഐ), മുസ്ലീംലീഗ്.
മറ്റ് കക്ഷികളുടെ മുന്നണികൾ: ബി.ജെ.പി, കെ.ഡി.പി, പി.ഡി.പി.
തെരഞ്ഞെടുപ്പ് ഫലം: സംസ്ഥാനത്തിന് തന്നെ പുതുമ നൽകുന്ന ഫലങ്ങളാണ് വന്നത്.
എൽ.ഡി.എഫ്: 4 സീറ്റ് (സി.പി.എം 1, സി.പി.ഐ 1, ആർ.എസ്.പി 2)
ബി.ജെ.പി: 3 സീറ്റ്
കെ.ഡി.പി: 1 സീറ്റ്
മുസ്ലീംലീഗ്: 1 സീറ്റ്
പ്രസിഡന്റ് തെരഞ്ഞെടുപ്പ്:
എൽ.ഡി.എഫിന്റെ പിന്തുണയുണ്ടായിരുന്ന എസ്. ശാന്തകുമാരിക്ക് നാല് വോട്ട്.
ബി.ജെ.പിയിലെ വനജയ്ക്ക് മൂന്ന് വോട്ട്.
കൂടുതൽ വോട്ട് ലഭിച്ച എസ്. ശാന്തകുമാരി പ്രസിഡന്റായി.
വൈസ് പ്രസിഡന്റ് തെരഞ്ഞെടുപ്പ്:
എൽ.ഡി.എഫിലെ എം. സിറാജുദ്ദീന് നാല് വോട്ട്.
ബി.ജെ.പിയിലെ റ്റി. ശ്രീകുമാറിന് നാല് വോട്ട്.
വോട്ട് തുല്യമായതിനാൽ നറുക്കെടുപ്പിലൂടെ എൽ.ഡി.എഫിലെ എം. സിറാജുദ്ദീനെ വൈസ് പ്രസിഡന്റായി തെരഞ്ഞെടുത്തു.
പഞ്ചായത്തീരാജ് ആക്ട് അനുസരിച്ച് ജി. അപ്പുകുട്ടൻ നായരെ (എൽ.ഡി.എഫ്) സ്റ്റാൻഡിംഗ് കമ്മിറ്റി ചെയർമാനായി പിന്നീട് തെരഞ്ഞെടുത്തു.
ഈ പഞ്ചായത്ത് സമിതിയിൽ ഒറ്റയ്ക്ക് ഒരു കക്ഷിക്കോ ഒരു മുന്നണിക്കോ കേവല ഭൂരിപക്ഷമില്ല.
ഒൻപത് വാർഡുകളിൽ, മൂന്ന് വനിതാ സംവരണ വാർഡുകളും, ഒരു പട്ടികജാതി സംവരണ വാർഡും, ഒരു പട്ടികവർഗ്ഗ സംവരണ വാർഡും, നാല് ജനറൽ വാർഡുകളുമാണുള്ളത്.
പട്ടികവർഗ്ഗ വാർഡിൽ നിന്നും ഒരു വനിതകൂടി തെരഞ്ഞെടുക്കപ്പെട്ടതോടെ പഞ്ചായത്തിലെ വനിതാംഗങ്ങളുടെ എണ്ണം നാലായി.